Ел ішінде балалар тегін ұшатын болды

Ұшақ, әуе, туризм Сурет: pixabay
2022 жылғы 1 қаңтардан бастап Қазақстан аумағында турист ретінде ұшатын кәмелетке толмаған жолаушылар билетінің құнын субсидиялау бекітілді, деп хабарлайды Zakon.kz

Осылайша Мәдениет және спорт министрінің 2021 жылғы 7 желтоқсандағы бұйрығы күшіне енді.

Ереже бойынша, 1 қаңтардан бастап ел аумағында турист ретінде саяхаттайтын кәмелетке толмаған әуе жолаушыларының билет ақысын мемлекет төлейді. Осылайша Қазақстан азаматтығы бар балалар немесе елде тұрақты тұруға құқығы бар азаматтығы жоқ адамдар тегін ұшады. Тегін ұшатын балалардың шекті жасы 2 жастан 18 жасқа дейін.

Құжат бойынша мұндай субсидия ішкі туризм саласында қызмет ететін туроператордан сатып алынған кәмелетке толмаған жолаушы билетіне төленеді.

Субсидия алу үшін туроператор Kazakh Tourism Ұлттық компаниясына қажет құжаттарды өткізіп, өтініш жіберуі керек.

Туроператорлар жыл сайын 20 желтоқсаннан кешіктірмей уәкілетті органға бөлінген субсидия қаражатының пайдаланылуы туралы ақпаратты ұсынады. Құжаттың толық мәтінін мына жерден көруге болады.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз