Жаңалықтар тізбегі
0

Путин мен Си Цзиньпин сыртқы байланыстар туралы мәлімдемеге қол қойды

Путин мен Си Цзиньпин, сурет - Zakon.kz жаңалық 04.02.2022 17:08 Сурет: Zakon.kz
Ресей президенті Владимир Путин мен Қытай төрағасы Си Цзиньпин Бейжіңде өткен кездесуде халықаралық қатынастардың жаңа дәуірге өтуі және жаһандық тұрақты даму туралы бірлескен мәлімдемеге қол қойды, деп хабарлайды Zakon.kz

Кремль сайтында жарияланған құжатта тараптардың бірауыздан демократияның жекелеген мемлекеттердің артықшылығы емес, жалпы адамзаттық құндылық екенін, оны насихаттау және қорғау бүкіл әлем қауымдастығы үшін ортақ міндет екенін түсінетіні атап өтілді.

Мәлімдеменің бір бөлігі халықаралық жағдайға арналғаны аталды. Құжат мәтінінде «Ешбір ел өзінің қауіпсіздігін бүкіл әлемнің қауіпсіздігінен оқшауланып, басқалардың қауіпсіздігі есебінен қамтамасыз ете алмайды және оған міндетті емес» деп көрсетілген.

Құжаттың негізгі ережелерінің арасында егеменді елдердің ішкі істеріне сырттан араласуға, әлемдік қауіпсіздікке нұқсан келтіруге және «түрлі-түсті революцияларға» қарсы тұруға ниетті екені және тағы басқа мәлімдемелер бар.

Айта кетейік, 4 ақпанда Ресей Федерациясының Президенті Владимир Путин Қытай Халық Республикасының Төрағасы Си Цзиньпиннің шақыруымен Қытайға барды. Мемлекет басшылары Бейжіңде келіссөз жүргізіп, XXIV Қысқы Олимпиада ойындарының ашылу салтанатына қатысты.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: