Жаңалықтар тізбегі
0

Бейжің-2022. Олимпиада ойындарының ашылу салтанаты өтіп жатыр

Бейжің 2022, сурет - Zakon.kz жаңалық 04.02.2022 18:40 Сурет: Beijing2022
Бейжіңдегі қысқы олимпиада ойындарының ашылу салтанаты басталды, деп хабарлайды Zakon.kz

Ашылу салтанатының қойылымын белгілі режиссер Чжан Имоу дайындаған. Дәл осы режиссер 2008 жылы өткен Олимпиада ойындарының ашылу салтанатын қойған еді. Ұйымдастырушылар салтанатты ашылу қалай өтетінін, рәсімнің негізгі мәліметтерін құпияда сақтап отыр.

Пандемия шараларын қатаң ұстану мақсатында салтанатты кеште өнер көрсететін адамдар санын барынша азайту туралы шешім қабылданған. Сонымен шоуға барлығы 3 мың актер қатысады.

Қытайдың тарихы мен мәдениетін таныстыруға актерлармен бірге арнайы эффектілер, музыка, би, әндер, отшашу көмектеседі.

Кез келген Олимпиаданың ашылу салтанатының маңызды сәттерінің бірі – Олимпиада алауын жағу. Ұйымдастырушылар дәл осы рәсім бұрын-cоңды болмаған тәсілмен жасалатынын мәлімдеді.

Олимпиада алауын жағу кейінгі 100 жылда болмаған, ерекше әдіспен жүзеге асады. Сонымен қатар ашылу салтанатының шоуын әзірлегенде экология мәселелері мен қоршаған ортаны қорғау, көмірқышқыл газының шығарындысын азайту тақырыбына көңіл бөлдік.Чжан Имоу

Бейжіңде өтетін олимпиада ойындарының ұраны — «Жылдамырақ, жоғарырақ, күштірек – бірге».

Қазақстандық спортшылар шеруінің туын шорт-трекші Абзал Әжіғалиев пен конькиші Екатерина Айдова көтереді. Олар көрермен алдына эксклюзив костюмдермен шығады. Дәлірек айтсақ қазақстандық спортшылар Сақ патшайымы Томирис және айбынды батырдың образында шықты. Ұлттық нақыштағы костюмдерді дизайнер-модельер Виолетта Иванова жасады.

Олимпиада 2022, сурет - Zakon.kz жаңалық 04.02.2022 18:40

Сурет: ҰОК баспасөз қызметі

Кейінгі рет Қытай Олимпиаданы 2008 жылы қабылдады. Осыдан 14 жыл бұрынғыдай басты спорттық шараның ашылуы Бейжің ұлттық стадионында өтіп жатыр.

Айта кетейік, Олимпиада ойындарына Қазақстан атынан барлығы 34 спортшы қатысады.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: