АЭС құрылысы 10 жылға созылуы мүмкін – Болат Ақшолақов

аэс, сурет - Zakon.kz жаңалық 14.02.2022 16:30

Сурет: pixabay

ҚР Энергетика министрі Болат Ақшолақов атом электр стансасын салу ұзақ процесс екенін айтып, оның орналасатын жерін таңдау мәселесіне де тоқталды, деп хабарлайды Zakon.kz.

АЭС құрылысының мерзімі 10 жылға дейін созылуы мүмкін. Ең негізгісі – орналасатын жерін анықтау. Бұл мәсенеі шешуді қазір бастауымыз керек. Себебі процесс ұзақ болады.Энергетика министрі Болат Ақшолақов

Энергетика министрлігінің басшысы атом электр станциясы салынатын жерді таңдау кезінде ескерілетін негізгі факторларды да атады.

Өкінішке қарай, дүниежүзінде болған апаттардан кейін жеткілікті тәжірибе жиналды. Барлық қате технологияларды әзірлеу және пайдалану кезінде ескеріледі. Орналасқан жері сейсмикалық қауіп деңгейіне, жақын жерде су болуына, кәдеге жарату және қауіпсіз жұмыс істеуге байланысты болады. Әуелі шешімін тауып қою керек мәселелер жетеді.Энергетика министрі

Еске салайық, Энергетика министрі бұған дейін Қазақстанның атом энергетикасын дамытуға әлеуеті жеткілікті екенін, атом электр стансасын салу электр энергиясы тапшылығы мәселесін шешудің ең перспективалы жолы болып көрінетінін айтқан еді.

8 ақпанда үкіметтің кеңейтілген отырысында мемлекет басшысы «Қазақстанға шынымен және ядролық, таза электр энергиясы қажет» деп айтқан еді. Оның айтуынша, таза атом энергиясы болмаса, ел экономикасын түгелдей жоғалтуы мүмкін.

Оқи отырыңыз