Нұр-Сұлтан әуежайында 10 рейс кейінге шегерілді

Елорда әуежайы, сурет - Zakon.kz жаңалық 15.02.2022 10:32

Сурет: nn-airport.kz

Нұрсұлтан Назарбаев халықаралық әуежайында бірқатар рейс кешігіп жатыр. Бұл Қазақстан астанасындағы ауа райы жағдайына байланысты, деп хабарлайды Zakon.kz

Елорда әуежайының баспасөз хатшысы Әнуар Шалекенов жолаушылар авиакомпаниялардың колл-орталықтары мен әуежайдың ақпараттық кеңсесінде ақпаратты нақтылауы қажет екенін айтты.

Елордадағы ауа райының қолайсыздығына байланысты Нұрсұлтан Назарбаев әуежайынан ұшып шығатын 10 рейс пен ұшып келетін 7 рейс кейінге қалдырылды.Әнуар Шалекенов

Сонымен қатар Қазақстанда ауа райының қолайсыздығына байланысты бірнеше республикалық тас жол жабылды. Кейбір жолдарда көлік қозғалысына уақытша шектеулер енгізілді.

Бұған дейін еліміздің жеті облысында дауылды ескерту жарияланғаны хабарланған еді. Синоптиктер 15 ақпанда боран соғып, екпінді жел соғады деп болжап отыр.

Оқи отырыңыз