Алматы облысында облыстық маңызы бар жолдар жабылды
Сурет: Алматы облысы ТЖД баспасөз қызметі
Алматы облысында күшті қарлы боран салдарынан облыстық маңызы бар Алматы – Өскемен – Қапал – Арасан тас жолы жабылды, деп хабарлайды Zakon.kz
Ауа райының нашарлауына байланысты (боран) облыстық маңызы бар Алматы – Өскемен – Қапал – Арасан тас жолының 0-45 шақырымы учаскесінде 15 ақпан күні сағат 9:00-ден бастап барлық көлік түрлері үшін қозғалыс жабылды. Алматы облысының жолаушылар көлігі және автомобиль жолдары басқармасы
Сонымен қатар, осы тас жолдың Қапал ауылына кіреберісіндегі 0-16 шақырымы жабық.
Алматы облысы Төтенше жағдайлар департаментінің құтқарушылары ауа райының нашарлауына байланысты таңғы сағат 4:00-ден бастап Сарыөзек – Көктал – Қоғалы – Көксу – Қарабұлақ тас жолының 0-94 шақырымы, сондай-ақ Аралтөбе, Оңжас, Қаспан, Қарымсақ, Майтөбе ауылдарына кіретін жолдар жабылғанын хабарлады.
Сондай-ақ республикалық маңызы бар Алматы – Өскемен – Үшарал қаласы – Шығыс Қазақстан облысының шекарасы (558-615 км) тас жолында көліктің барлық түрлері үшін қозғалыс жабылды.
Жаңалықтан zakon.kz сайтында хабардар болыңыз:
Бөлісу
0
Толық оқу
