Бас прокуратура жаппай тәртіпсіздікке қатысушылардың портретін суреттеп берді

Қилымжанов 16 ақпандағы жағдай бойынша Бас Прокуратура, ІІМ, ҰҚК және Сыбайлас жемқорлыққа қарсы қызмет тергеген барлық қылмыстық істер бойынша соттың санкциясымен 741 күдікті қамауда алынғанын хабарлады. Олардың ішінде бұрын сотталған 113 адам, тыйым салынған экстремистік қозғалыстардың 42 және ұйымдасқан қылмыстық топтардың 35 мүшесі бар.

Біз Алматыда тұтқындалған барлық адамдардың жеке басын зерттеп, портретін жасадық. Негізінен, олардың басым көпшілігі – 30 жасқа дейінгі, жоғары білімі де, тұрақты жұмысы да жоқ жастар. Бас прокуратураның бірінші қызмет бастығының орынбасары Елдос Қилымжанов

Сондай-ақ ол ұсталғандар арасында жүргізілген анонимді сауалнаманың нәтижелерін жариялады.

Талқандауға қатысушының әрбір үшіншісі қалыптасқан жағдайды пайдаланып, бөтеннің мүлкін ұрлау арқылы пайда тапқысы келгенін мойындады. Елдос Қилымжанов

Сондай-ақ, ол халық арасында қасақана үрей тудырып, дабыра жасау үшін базбір жеке тұлғалар мақсатты түрде әрекет еткенін айтты.

Ол үшін мемлекеттік биліктің символы іспетті әкімдік ғимараттарын, сондай-ақ құқық қорғау органдары нысандарын қоршауға алып, оларға шабуыл жасады. Сондықтан ҚР Қылмыстық кодексінің 255-бабына сәйкес, мұндай әрекеттер терроризм актілері ретінде сараланады. Елдос Қилымжанов

Бұған дейін Қасым-Жомарт Тоқаевқа қаңтардағы оқиғалардың тергеу барысы баяндалған болатын.

Оқи отырыңыз

Оралда студенттер алаяққа алданып қалды

22:42, 27 наурыз 2023

Таразда вокзал аумағынан қару-жарақ жасырылған орын табылды

20:48, 27 наурыз 2023

Журналист Михаил Козачков шартты түрде 3,5 жылға сотталды

19:05, 27 наурыз 2023