Қарағандыда оқушыны ұрған кондуктор жұмыстан шеттетілді

Қарағанды, автобус, кондуктор, оқушы, сурет - Zakon.kz жаңалық 24.02.2022 18:26

Сурет: Видеодан үзінді

Желіде автобус ішінде кондуктордың оқушыны ұрып жатқан видеосы тарады. Болған жағдайға қатысты тиісті орган пікір білдірді, деп хабарлайды Zakon.kz

alashainasy.kz сайтының жазуынша, оқиға №56 автобуста болған. Кондуктор оқушыны Onay картасының орнына оқушыларға берілетін жол жүру куәлігін көрсеткені үшін жазғырған.

Оқиғаға қатысты Қарағанды қаласындағы жолаушылар көлігі секторының өкілі пікір білдірді. Оның айтуынша, балаға жұдырық ала жүгірген кондуктор жұмыстан шеттелді.

Кондуктордың кінәсі дәлелденген жағдайда, қызметкер жұмыстан босатылады. Сонымен қатар қалада электронды билет беру жүйесі енгізіліп жатқанын хабарлаймыз. Ол арқылы жол жүруге арналған тариф енгізілгеннен кейін жұмыстың кондукторсыз схемасы қамтамасыз етіледі.Қарағанды қаласындағы жолаушылар көлігі секторының меңгерушісі Асыл Түлеубаев

Оқи отырыңыз