Орталық сайлау комиссиясы Мәжіліс депутаты Нұрбек Саясатты тіркеді

Тағайындау Сурет: Facebook/Sayasat Nurbek
25 ақпанда Нұрлан Әбдіровтің төрағалығымен ҚР Орталық сайлау комиссиясының отырысы өтіп, «Қазақстан Республикасы Парламенті Мәжілісінің депутаты Саясат Нұрбекті тіркеу туралы» қаулы қабылданды, деп хабарлайды Zakon.kz.

Бұл туралы Орталық сайлау комиссиясының сайтында хабарланды.

«Қазақстан Республикасындағы сайлау туралы» 1995 жылғы 28 қыркүйектегі Қазақстан Республикасы Конституциялық заңының 12, 45, 46-баптарына, 97-1-бабының 5, 6-тармақтарына, 98-бабына сәйкес және «Nur Otan» партиясы» қоғамдық бірлестігінің Саяси кеңесі Бюросының 2022 жылғы 25 ақпандағы № 004 PQ қаулысынан үзінді көшірмеге сәйкес Қазақстан Республикасының Орталық сайлау комиссиясы қаулы етті:

1) Қазақстан Республикасы Парламенті Мәжілісі депутатының бос мандаты «Nur Otan» партиясы» қоғамдық бірлестігінің мүшесі Нұрбек Саясатқа берілсін.

2) Нұрбек Саясат Қазақстан Республикасы Парламенті Мәжілісінің депутаты болып тіркелсін.

3) Нұрбек Саясатқа белгіленген үлгідегі тиісті куәлік пен омырауға тағатын белгі тапсырылсын.

Қаулы

Сурет: election.gov.kz

Саясат Нұрбек 1981 жылы 18 мамырда Семейде дүниеге келген.

Білімі мен білігі:

  • Маршаллтаун колледжін (Айова штаты, АҚШ, 2001), саясаттанушы мамандығы бойынша; 

  • Л.Н. Гумилев атындағы Еуразия ұлттық университетін (2004) халықаралық заңгер мамандығы бойынша үздік; La Sapienza университетін (Рим қаласы, 2006) «Геосаясат және халықаралық қауіпсіздік» мамандығы бойынша үздік;

  • «Көкше» академиясын (Көкшетау қаласы, 2010) психология бакалавры дәрежесімен бітірген.

    Қосымша білігі:

Қазақ, орыс, ағылшын, түрік, итальян (еркін), испан (орта деңгейде), жапон және латын (тіл негізі) тілдерін біледі.

«Нұр Отан» ХДП мүшесі (2007 жылдан).

ҚР Президентінің «Болашақ» халықаралық стипендиясының стипендиаттары қауымдастығының мүшесі (2008 жылдан).

ҚР Президентінің «Болашақ» халықаралық стипендиясы Тәуелсіз сараптама комиссиясы төрағасының орынбасары (2008 жылдан).

Еңбек өтілі:

  • 2000 жылдың тамыз айынан желтоқсан айына дейін - конгрессмен Марк Смиттің сайлау алды науқанының жеке көмекшісі (Айова штаты, АҚШ). 2001 жылдың сәуір айынан мамыр айына дейін - АҚШ Айова штаты Үкіметінің Ақпараттық технологиялар департаменті инновациялық технологиялар бөлімінің қызметкері.

  • 2002 жылдың желтоқсан айынан - «Қазақстан Жастар конгресі» ЗТБ Атқарушы директоратының әлеуметтік, экономикалық және аймақтық даму басқармасының бастығы (Астана қаласы).

  • 2003 жылдың шілде айынан 2004 жылдың қыркүйек айына дейін - «Art-Motion» ЖШС құрылтайшы - директоры (Астана қаласы).

  • 2006 жылдың қараша айынан - «Қазына» Тұрақты даму қоры» АҚ Инвестициялық жобалар департаментінің менеджері, 2007 жылдың қыркүйек айынан - «Қазына» Тұрақты даму қоры» АҚ басқарма төрағасының кеңесшісі.

  • 2008 жылдың ақпан айынан - ҚР Президенті Әкімшілігінің Мемлекеттік бақылау және ұйымдастыру-кадр жұмысы бөлімінде кадрлық саясат секторының меңгерушісі .

  • 2008 жылдың қазан айынан - ҚР Президенті жанындағы Мемлекеттік басқару академиясының халықаралық ынтымақтастық және ғылым жөніндегі вице-ректоры.

  • 2008 жылдың желтоқсан айынан - «Самұрық-Қазына» ҰӘҚ-АҚ кадр саясаты және персоналды басқару жөніндегі атқарушы директоры, 2009 жылдың мамыр айынан кадрлық саясат және персоналды басқару департаментінің директоры.

  • 2009 жылдың қыркүйек айынан - ҚР Президенті жанындағы Мемлекеттік басқару академиясы Мемлекеттік саясат ұлттық мектебінің директоры.

  • 2010 жылдың наурыз айынан бері - Қазақ гуманитарлық заң университетінің «НР-менеджмент» пәнінің оқытушысы

  • 2010 жылдың қыркүйек айынан бері - «Тұран-Астана университетінің «Халықаралық құқық» пәнінің оқытушысы құқықтану кафедрасының доценті.

  • 2010 жылдың қазан айынан бері - «Халықаралық бағдарламалар орталығы АҚ президенті.

Әскери атағы - запастағы лейтенант.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз