Павлодар жылу желілеріне сапасыз қызметі үшін 30 млн теңге айыппұл салынды

Айыппұл Сурет: pixabay
Биыл ақпан айында «Табиғи монополиялар туралы» ҚР Заңының талаптары мен үлгілік шарт нормаларының сақталуы тұрғысынан «Павлодар жылу желілері» ЖШС және «Павлодарэнергосбыт» ЖШС-ның қызметтеріне жоспардан тыс тексерулер жүргізілді, деп хабарлайды Zakon.kz.

ҚР Ұлттық экономика министрлігі Табиғи монополияларды реттеу комитеті Павлодар облысы бойынша департаментінің мәліметінше, ведомствоның атына Ткачев көшесі, 9, 11, 13, М.Жүсіп, 20 «Айсберг» ПИК, Минин көшесі, 40 мекенжайы бойынша орналасқан үйлердің тұрғындарынан,  сондай-ақ С.Щедрин көшесі, 30-шы үйдің тұрғындарының мүдделерін білдіретін жеке кәсіпкер Г.Н Шмидттан жылумен сапасыз жабдықтау немесе жылумен жабдықтаудың болмауы мәселелері бойынша өтініштер келіп түскен, делінген Pavlodarnews.kz хабарламасында.

Тексеру қорытындысы бойынша, Ткачев көшесі 9, 11, 13 мекенжайлары бойынша температураның  ұсынылған кестеден ауытқу фактісі, сондай-ақ табиғи монополиялар субъектілерінің Минин көшесі, 40 және С.Щедрин көшесі, 30 үйлерінде тұратын тұтынушыларға сапасыз жылу энергиясын жеткізу фактісі анықталды, - дейді облыстық ТМРД-де. 

Осыған байланысты департамент «Павлодар жылу желілері» ЖШС-ға қатысты Әкімшілік құқық бұзушылық туралы кодекстің 164-бабының 4-бөлігі бойынша 6 әкімшілік іс жүргізуді қозғады. Онда әрбір бұзушылық бойынша 1600 АЕК мөлшерінде айыппұл көзделген, бұл 29 404 800 теңгені құрайды.

Бұдан басқа, «Павлодарэнергосбыт» ЖШС-ның атына жоғарыда аталған мекенжайларында тұратын тұтынушыларға 10 күнтізбелік күн ішінде жылумен жабдықтау қызметтерінің құнын қайта есептеу қажеттілігі туралы орындалуы міндетті нұсқама шығарылды.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз