Метеорологтар ауасы ластанған аймақтарды атады

тұмша, сурет - Zakon.kz жаңалық 08.03.2022 11:53

Сурет: Zakon.kz/Павел Михеев

1-7 наурыз аралығына қоршаған ортаның ластану деңгейін бақылайтын бірде-бір пунктінде ауаның өте жоғары ластану жағдайы тіркелген жоқ, деп хабарлайды Zakon.kz.

«Қазгидромет» атмосфералық ауа сапасы туралы есеп берді.

1-7 наурыз аралығында:

Нұр-Сұлтанда шекті рұқсат етілген концентрациядан (ШРК-дан) асудың 786 жағдайы тіркелді. Қала ауасы ең көп ластанған көше – Байтұрсынов.

Алматыда 367 нормадан асып кету дерегі тіркелді. Қалада ауасы қатты ластанған аудан – Түрксіб.

Атырауда ШЖҚ-нан асып кетудің 42 жағдайы тіркелді. Сырдария көшесі, 3 ауданында атмосфера ауасы ең көп ластанған.

Қарағандыда 809 нормадан асып кету жағдайы тіркелді. Қала ауасы ең көп ластанған аудан – 3-ші Кочегарка көшесі (Пришахтинск).

Жезқазған қаласында 178 нормадан асып кету оқиғасы тіркелді. Қала ауасы ең көп ластанған аудан – М.Жәмиля, 4 В.

Өскеменде ШЖҚ-нан асып кетудің 16 жағдайы тіркелді. Қала ауасы ең көп ластанған Петербург коммунарлары көшесі маңы.

Павлодарда ШЖҚ-нан асып кетудің үш жағдайы тіркелді. Қала ауасы ең көп ластанған Каз.Правды көшесі.

Шымкентте ШЖҚ-нан асып кетудің 98 жағдайы тіркелді. «Нұрсәт» ықшамауданының ауасы ең көп ластанған.

Ақтөбеде ШЖҚ-нан асып кетудің 30 жағдайы тіркелді. Қала ауасы Рысқұлов көшесінің ауданында ең көп ластанған.

Қызылордада ШЖҚ-нан асып кетудің 10 жағдайы тіркелді. Ауасы ең көп ластанған аумақ Берденов көшесі ауданында.

Балқаш, Петропавл және Теміртау қалаларында ШЖҚ-нан асып кету фактілері тіркелген жоқ. Сонымен қатар Қазақстанның бірде-бір нүктесінде өте жоғары ластанудың бірде-бір оқиғасы тіркелмеген.

Оқи отырыңыз