Кәрім Мәсімовтің ұсталуына байланысты жаңа деректер пайда болды
Сурет: gov.kz
Атап айтқанда Кәрім Мәсімов отандық бизнес қауымдастығы мен шетелдік субъект өкілдерінен жылжымайтын мүлік, қымбат сыйлықтар, соның ішінде мәдени құндылықтар, елеулі мөлшерде ақшалай қаражат алу фактісі анықталды. Бұл туралы ҚР Ұлттық қауіпсіздік комитеті хабарлады.
Жабық келісімшарттардың бірі бойынша шетелдік мемлекет өкілдерінен Мәсімовтің ҰҚК төрағасы лауазымында 2 млн доллар сомасында пара алу фактісі бойынша тергеу жүргізіліп жатыр. Осы қаражатты Гонконгтан Қазақстан Ұлттық банкіне қайтару қамтамасыз етілді.
Сонымен қатар Мәсімовтің премьер-министр лауазымында болуы кезеңінде бизнес-құрылымның бірінен астанада құны 2,5 млрд теңге элиталық тұрғын үй мен жер телімін алу фактісі бойынша тергеу жүргізіліп жатыр.
Сурет: gov.kz
2022 жылғы қаңтарда Мәсімовті ұстағаннан кейін осы тұрғын үйде 17,2 млн доллар мөлшерінде қолма-қол ақша, сонымен қатар көптеген құнды заттар – сағаттар, алтын кесектері, антиквариат және басқалары алынды. Бұдан бөлек бизнес санаттағы 11 қымбат автомашина алынды.Ұлттық қауіпсіздік комитеті
Оның мүліктеріне – Нұр-Сұлтандағы екі элиталық пәтер, Алматыдағы 2 пәтер мен дербес сарай, сонымен қатар Щучье-Бурабай шипажайы аймағы көлінің жағасындағы аумағы 1 га жер теліміне тыйым салынды. Мәсімовтің жақындарынан 5,1 млн доллары алынып, оған тыйым салынды.
Сурет: gov.kz
Осымен бір мезгілде Мәсімов пен оның айналасындағылар шетел банктеріне заңсыз шығарған аса ірі мөлшердегі ақшалай қаражатты іздестіру, бұғаттау және Қазақстанға қайтару бойынша жұмыс ұйымдастырылды.Ұлттық қауіпсіздік комитеті
Сурет: gov.kz
Барлық көрсетілген факті бойынша қарқынды жедел жедел-тергеу іс-шарасы жүргізіліп жатыр. Ұлттық қауіпсіздік комитеті мемлекетке опасыздық жасау, билікті күшпен басып алу және лауазымдық міндеттерін асыра пайдалану күдігі бойынша Мәсімов пен басқа да адамдарға қатысты қылмыстық істі жалғастырып жатыр.
