Қазақстанда бензин біршама арзандады
Сурет: Zakon.kz
Сарапшылардың мәліметінше, 2022 жылдың қаңтар-ақпан айларында елімізде 795,3 мың тонна бензин өндірілген. Ал дизельдік отын өндірісі 9,7 пайызға өсіп, 770,7 мың тоннаға жетті.
Анықтама: жалпы, 2021 жылдың қаңтар-желтоқсан айларында елімізде 4,8 миллион тонна бензин және 5 миллион тонна дизель отыны өндірілді. Бензин шығарудың жылдық өсімі 7,1%, дизель отынының жылдық өсімі 6,7% болды.
Energyprom.kz зерттеуінде атап өтілгендей, осы жылғы қаңтар айының соңына қарай жергілікті кәсіпорындар бензинге, дизельдік отынға деген сұранысты 96,4 пайызға қанағаттандырған.
Ішкі нарықта тапшылықты болдырмау және бағаны тұрақтандыруды қамтамасыз етуге байланысты тыйым салынғандықтан, бензин экспортталмады. Салыстыру үшін: өткен жылдың бірінші айында бензин экспорты шамамен 47 мың тонна болды. Дизельдік отынға келер болсақ, қаңтарда бір жыл бұрынғы 37,8 мың тоннаға қарағанда, 2,2 мың тонна ғана экспортталды, – делінген зерттеуде.
Анықтама: жалпы 2021 жылғы қаңтар-желтоқсанда бензин экспорты 5,1 есеге азайып, 100,9 мың тонна болды, ал дизель отынын экспорттау керісінше, 73,4%-ға, яғни 223,3 мың тоннаға дейін өсті.
2022 жылдың ақпан айының соңында бензин 0,3%-ға, дизель отыны 1,7%-ға арзандады.
Дизель отынының қымбаттауы бойынша Батыс Қазақстан облысы көшбасшы болды – плюс 72,5%. Бұл үштікке Ақмола және Солтүстік Қазақстан облыстары да кірді.
Ең аз жылдық баға өсімі Алматы облысында тіркелді – «бар-жоғы» 24,3%-пайызға ғана.
Ақпан айында Қазақстанда жазғы дизель отынының орташа бағасы литріне 235 теңге, қыста литріне 346 теңге, АИ-98 бензинінің литрі 232 теңге, АИ 95/96 бензинінің литрі 210 теңге, АИ-92 бензинінің литрі 179 теңге болды.
