Қазақстанда медицина мамандары жетіспейді

Елімізде медицина мамандары Атырау облысында аз. Өңірде бар болғаны 13,9 мың адам медицина саласында жұмыс істейді, деп хабарлайды Zakon.kz.

Медицина мамандары қайда көп?

Өңірлер арасында дәрігер болып жұмыспен қамтылған мамандар Алматы облысында көбірек – 68,7 мың адам. Бұл бір жыл бұрынғыдан 1,7%-ға артық. Үздік үштікке Алматы мен Шығыс Қазақстан облысы да кірді.

Ал әзірше депутаттар ауылдағы дәрігерлердің кадр тапшылығы мәселесін шешуді талап етіп отыр. Республикада дәрігерлердің тапшылығы 2020 жылмен салыстырғанда небәрі 38%-ға қысқарды, деп хабарлайды inbusiness.kz. Әр аудандық ауруханада неонатолог, педиатр, кардиолог, ЛОР дәрігері және басқа да мамандар жетіспейді.

2021 жылдың төртінші тоқсанында қалаларда денсаулық сақтау және әлеуметтік қызмет көрсету саласында жұмыспен қамтылғандар саны 358,3 мың адам болды. Бұл бір жыл бұрынғыдан 4,6%-ға артық. Ал ауылдарда 190 мың адам ғана жұмыс істеді. Оған қоса жылына көрсеткіш – 6,5% ғана. Қалалардағы секторда жұмыспен қамтылғандар саны ауылдағы көрсеткіштен 88,6%-ға жоғары.

Дәрігерлердің айлығы қанша?

Денсаулық сақтау және әлеуметтік қызмет көрсету саласындағы орташа айлық өткен жылы 246,2 мың теңгеге жетіп, бір жыл бұрынғыдан 24,7%-ға артқан.

Өңірлік тұрғыда елордалық еңбеккерлердің табысы салыстырмалы түрде көбірек: 316,9 мың теңге. Оған қоса жылына 12,5% артқан. Үздік үштікке Алматы мен Атырау облысы да кірді.

Денсаулық сақтау саласында орташа айлық жалақы 251,5 мың теңге болып, бір жыл бұрынғыдан 24,1%-ға артқан. Соның ішінде ауруханалардың қызметкерлеріне орта есеппен 263,1 мың теңге, емдеу-стоматологиялық практика қызметкерлеріне 236,4 мың теңге, денсаулық сақтау саласындағы басқа да қызметкерлер 229,3 мың теңге алады.

2021 жылдың төртінші тоқсанында денсаулық сақтау және әлеуметтік қызмет көрсету саласында 548,3 мың адам жұмысқа орналасты. Бұл бір жыл бұрынғыдан 5,2%-ға артық. Салыстыру үшін: 2020 жылдың сәйкес кезеңінде сектордағы жұмыспен қамту 521 мың адам болды (жылына плюс 3,8%).