Астық пен ұн экспортына шектеу енгізу мәселесі қаралып жатыр – ҚР АШМ

ҚР Ауыл шаруашылығы министрлігі, экспорт, үн, астық, бидай, шектеу, сурет - Zakon.kz жаңалық 04.04.2022 15:57

Сурет: pixabay

Мәжіліс кулуарында Ауыл шаруашылығы министрі Ербол Қарашөкеев Қазақстанда астық пен ұн экспортына шектеу енгізу мәселесі қаралып жатқанын айтты, деп хабарлайды Zakon.kz тілшісі.

Қазір астық экспортына да, ұн экспортына да шектеу қою мәселесі пысықталуда. Ресей бидай мен астық экспортына уақытша тыйым салды. Біз бұл жағдайды білеміз, бақылауда ұстаймыз. Біздің астық балансымыз жақсы. Ішкі нарықта тұтынуға жеткілікті, орташа жылдық көлем деңгейінде экспорттауға да жетеді. Ауыл шаруашылығы министрі Ербол Қарашөкеев

Ол сондай-ақ Қазақстанда мұндай шараны енгізудің тиімділігін тілге тиек етіп өтті.

Экспорттаушылар ішкі нарыққа сатқысы келмейді. Бағаның көтерілуін күтіп отыр. Мұнда ұн өндірушілер мен астық өндірушілер арасында келісім болмай тұр. Экспортқа тиісті шектеу енгізіледі. Сонда экспорттаушылар өнімнің белгілі бір бөлігін ішкі нарыққа жіберуге мәжбүр болады. Қазақстан Республикасы Ауыл шаруашылығы министрлігінің басшысы

Оқи отырыңыз