Жанкүйерінің телефонын сындырған Роналду желі арқылы кешірім сұрады
Сурет: Instagram/cristiano
Ыңғайсыз жайт ағылшын премьер лигасының 32-ші турында "Эвертонмен" кездесуінен кейін "Манчестер Юнайтед" ойыншылары алаңнан кеткен кезде орын алды.
"Алтын доптың" бес дүркін иегері Instagram-дағы парақшасы арқылы кешірім сұрады.
Қазіргі кездегідей қиын сәттерде эмоцияларға ие болу әрдайым мүмкін емес. Алайда біз әрқашан құрметті, сабырлы болып, футболды жақсы көретін жастарға үлгі көрсетуіміз керек. Ашуға берілгенім үшін кешірім сұрағым келеді, егер бұл мүмкін болса әрине, адалдық пен спорттық қағидалардың жақтаушысы ретінде сол жанкүйерімді Олд Траффордтағы матчқа шақырғым келеді. Криштиану Роналду
Жайсыз оқиға 9 сәуірде орын алды. "Эвертонмен" болған матчтан (жеңіліп қалғаннан) кейін Роналду алаңнан кетіп бара жатып, жанкүйердің қолындағы телефонды қағып жіберді. "Манчестер Юнайтед" болған оқиғаны тергеуге уәде берді.
"Манчестер Юнайтед" Англия чемпионатының турнир кестесінде жетінші орында, 31 матчта 51 ұпай жинады. Манчестер Клубы келесі матчты 16 сәуірде Норвичке қарсы өткізеді.
Бұған дейін "Манчестер Юнайтед" пен Португалия құрамасының шабуылшысы ХХІ ғасырдың 100 үздік футболшыларының тізіміне енген болатын. Рейтингті "Пари Сен-Жермен" шабуылшысы және Аргентина құрамасының футболшысы Лионель Месси бастап тұр. Криштиану Роналду - екінші орында.
