Доллар бағамы 3,5 теңгеге көтерілді

Қазақстан қор биржасы (KASE) 15:30-да доллардың орташа сараланған бағамы 3,49 теңгеге көтеріліп, 449,53 теңге болғанын мәлімдеді, деп хабарлайды Zakon.kz.

Еске салсақ, өткен жұмада доллар 11,98 теңгеге арзандады.

Қытай юанінің бағамы 70,61 теңге (-0,55) болды, сауда көлемі 3,24 миллион юаньға жетті.

Ресей рублінің бағамын Ұлттық банк 5,91 теңге, еуро бағамын 485,68 теңге деп белгіледі.

Ақша айырбастау орындарында доллар 454-457,5 теңге, еуро 493-500 теңге, ресей рублі 5,25-5,75 теңге аралығында сатып алынып/сатылып жатыр.

11 сәуірдегі сауда-саттық барысында әлемдік мұнай бағасы төмендеп жатыр.

WTI мұнайының мамырдағы фьючерстері 1,73%-ға төмендеп, барреліне 95,78 доллар болды.

Brent маркалы мұнайдың мамыр айындағы фьючерстері барреліне 1,76%-ға арзандап, 100,32 доллар болды.