Жаңалықтар тізбегі
0

Қазақстан парламенті референдум туралы заңға енгізілген түзетулерді қабылдады

Референдум туралы заң, парламент, сенат, мәжіліс, сурет - Zakon.kz жаңалық 05.05.2022 15:29 Сурет: Zakon.kz/Максим Золотухин
Мәжіліс депутаттары «Республикалық референдум туралы» Конституциялық заң жобасына сенат енгізген толықтыруларымен келісті, деп хабарлайды Zakon.kz тілшісі.
Заңнама және сот-құқықтық реформа комитетінде «Республикалық референдум туралы» Конституциялық заң жобасына Сенат енгізген толықтыру қаралды. Енгізілген толықтыру заң жобасының нормаларын нақтылауға бағытталған, оның тұжырымдамасын өзгертпейді және мәжіліс мақұлдаған заң жобасының мазмұнынан нашарлатпайды.Мәжілістің Заңнама және сот-құқықтық реформа комитетінің төрағасы Арман Қожахметов

Ол сенат республикалық референдумның нысанасы бола алмайтын мәселелерді нақтылау мақсатында, «Республикалық референдум туралы» Конституциялық заңның 3-бабы 2)-тармақшасын жаңа редакцияда ұсынғанын атап өтті.

Атап айтсақ, осы тармақшаның қолданыстағы редакциядағы «тәуелсіз Қазақстанның Негізін салушы, Қазақстан Республикасының Тұңғыш Президенті – Елбасы іргесін қалаған Республика қызметінің түбегейлі принциптерін және Қазақстан Республикасының Тұңғыш Президенті – Елбасының мәртебесін өзгерту» деген сөздерді парламент сенаты алып тастауды ұсынды.

Қорыта келгенде, «Республикалық референдум туралы» Қазақстан Республикасының Конституциялық заңына өзгерістер мен толықтыру енгізу туралы» Конституциялық заң жобасына парламент сенаты енгізген толықтырумен келісуді ұсынамыз. Арман Қожахметов

«Республикалық референдум туралы» Қазақстан Республикасының Конституциялық заңына өзгерістер енгізу туралы заң жобасын мәжіліс 4 мамырда қабылдап, сол күні қарап, сенатқа жолдады.

5 мамыр күні таңертең сенат өз ұсыныстарын айтты. Атап айтқанда, Конституциялық Кеңестің шешіміне сілтеме жасай отырып, сенаторлар референдумда Тұңғыш президенттің мәртебесін алып тастау мәселесін талқылау мүмкін деген түзету енгізді. Талқылау қорытындысы бойынша олар заң жобасын мәжіліске қайтарды.

Мәжіліс сенаторлардың ұсыныстарын қарап, олармен келісу туралы шешім қабылдады. Осылайша, құжат қабылданды деп есептеледі және мемлекет басшысына қол қоюға жіберілді.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: