Нұр-Сұлтанда көшені кесіп өтіп бара жатқан бойжеткенді көлік қағып кетті

Жол апаты салдарынан түрлі дене жарақатын алған 25 жастағы зардап шегуші ауруханаға жеткізілді. Дәрігерлердің қарауынан кейін ол үйіне жіберілді, деп хабарлайды Zakon.kz.

5 мамырда Toyota Fortune маркалы көлігінің 41 жастағы жүргізушісі Үркер ауылы жағынан Қорғалжын тас жолы бойымен келе жатып, Е-209 көшесімен қиылыста солға бұрылғанда бағдаршамның жасыл белгісіне сай жолды кесіп өтіп бара жатқан жаяу жүргіншіні қағып кетті. Нұр-Сұлтан қалалық ПД баспасөз қызметі

Аталған факті бойынша анықтау жұмыстары жүргізіліп жатыр.

Нұр-Сұлтан қаласының полиция департаменті жүргізушілерді жол қозғалысы ережелерін мүлтіксіз сақтауды, жылдамдықты шекті көлемнен асырмауды, қажетті қашықтықты сақтауды ескертеді.