16 мамырдан бастап банктер жеңілдетілген автонесие бере бастайды
Сурет: freepik
Жеңілдетілген несиелендіру бағдарламасы бойынша қаржыландырудың жалпы сомасы шамамен 100 млрд теңгені және Қазақстан аймақтарындағы автобус паркін жаңартуға шамамен 30 млрд теңгені құрайды.
Қазақстан Республикасы Индустрия және инфрақұрылымдық даму министрлігінің мәліметтері бойынша, халық үшін автокөлікті несиелендіру келесі шарттармен жүзеге асырылады:
сыйақы мөлшерлемесі – 4%;
несие сомасы – 10 миллион теңгеден аспайды;
қаржыландыру мерзімі – жеті жылдан аспайды;
бастапқы төлем – 0%-дан;
көліктің құны 15 миллион теңгеден аспайды.
Несиелеуді екінші деңгейлі банктер жүргізетін болады.
Қаржыландырудың ашықтығын қамтамасыз ету мақсатында ЕДБ үшін түпкілікті қарыз алушыға қаржыландыруды ұсыну мерзімінің жай-күйін бақылаудың автоматтандырылған жүйесінің міндетті болуы шарты көзделген.
Ол сондай-ақ бір түпкілікті қарыз алушыға екі жылдық кезең ішінде бір реттен жиі емес қаржыландыруды ұсыну түріндегі шектеуді көздейді.
Жалға алушылар үшін автобустарды сатып алу шарттары келесідей болады:
сыйақы мөлшерлемесі – 0,01%;
жалдау мерзімі – жеті жылға дейін;
бастапқы жарна – 0%-дан.
13 мамырда премьер-министрдің бірінші орынбасары Роман Скляр алдын ала мәлімет бойынша, автонесие 16 мамырдан бастап беріле бастайтынын айтты.
Оның айтуынша, бұған дейін бұл бағдарламаны жүзеге асырған халыққа автокөлікті несиелендіру үшін екінші деңгейлі бес банк анықталған.
Zakon.kz тілшісі қазақстандық бірнеше банкке телефон соғып, жеңілдетілген автонесие алуға болады ма деп сұрады. Операторлар бағдарлама бойынша автонесие беру және оның шарттары бойынша басшылықтан әлі нұсқау алмағанын айтып жауап берді.
