Иранда көпқабатты ғимарат күл-талқан болды. Қиранды астында қалып кеткен адам көп

Төтенше жағдай Сурет: twitter/_hamedsetareh
Иранның Абадан қаласында 10 қабатты ғимарат опырылып құлады. Қирандының астында шамамен 80 адам болуы мүмкін, деп хабарлайды Zakon.kz.

Fars агенттігінің хабарлауынша, құтқарушылардың соңғы мәліметтері бойынша, оқыс оқиға салдарынан бес адам қаза тапты, тағы 27 адам жарақат алды.

Сондай-ақ, провинция губернаторы басқармасы таоартқан мәліметке сүйенсек, аталған апатты жағдайдан қаза тапқандар мен зардап шеккендер бұдан да көп болуы мүмкін, өйткені құлаған ғимарат қаладағы тығыз орналасқан көпқабатты тұрғын-үйлер арасында болған.

"Құтқару операциясы көрші ғимараттың да әрең тұрғандығына байланысты қиынға соғуда, ол да құлап кетуі мүмкін", – деді Қызыл жарты айдың жергілікті қоғамы.

Қазіргі уақытта оқиға орнында бірнеше құтқару және өрт сөндіру бөлімшелері, сондай-ақ дәрігерлер жұмыс істеп жатыр.

Билік іздестіру жұмыстарына тағы 50-ге жуық құтқарушылар тобын, сондай-ақ зардап шеккендерді ауруханаға эвакуациялау үшін тікұшақты да жұмылдырды.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз