Канело Головкинмен үшінші мәрте жекпе-жекке шығатынын мәлімдеді

Бокс, сурет - Zakon.kz жаңалық 23.05.2022 23:41

Сурет: Instagram/canelo

Мексикалық боксшы Сауль Канело Альварес Геннадий Головкинмен үшінші рет жекпе-жекке шығатынын жариялады, деп хабарлайды Zakon.kz.

Бұл туралы мексикалық боксшы баспасөз мәслихаты кезінде айтты.

Боксшы сөзін ESPN KnockOut жариялады.

Canelo Álvarez deja entrever que volverá ante Golovkin en septiembre

DETALLES 👇 https://t.co/xehpLqJuh2
— ESPN KnockOut (@ESPNKnockOut) May 23, 2022

Алдағы бірнеше күнде біз қыркүйек айындағы жекпе-жек жайлы ақпарат жариялаймыз; әрине (қыркүйекте) ол GGG-ге қарсы болады, өйткені бізде осындай келісім болған, бірақ мен тағы да Биволмен де жұдырық түйістіремін. Сауль Канело Альварес

Канело мен GGG-дің (42-1-1, 37 КО) үшінші жекпе-жегі 17 қыркүйекте өтеді деп күтіледі.

Альварес абсолютті әлем чемпионы болып табылатын супер орта салмақта бақ сыналады.

Геннадий Головкин мен Сауль Альварестің алдыңғы екі жекпе-жегі 2017 және 2018 жылдары өтті. GGG мен Канелоның алғашқы кездесуі дау-дамаймен аяқталды, ал 12 айдан кейін болған екінші жекпе-жекте мексикалық төрешілердің басым дауысымен жеңімпаз болып танылды.

8 мамырда Канело ресейлік Дмитрий Биволдан сенсациялық түрде жеңіліп қалды. Жекпе-жектен кейін ресейлік реванш өткізуге уәде берді. Осыған байланысты Головкин – Альварестің көптен күткен жекпе-жегі кейінге шегерілу ықтималдылығы да туды.

Оқи отырыңыз