БҰҰ: Украинадағы қақтығыс 15 миллион адамға аштық қаупін төндіреді

БҰҰ, аштық, ашаршылық, Украина, қақтығыс, дағдарыс, сурет - Zakon.kz жаңалық 02.06.2022 09:37

Сурет: pixabay

19 мамырда БҰҰ Бас хатшысы Антониу Гутерриш әлемде 43 елден 49 миллион адамға аштық қаупі төніп тұрғанын мәлімдеді, деп хабарлайды Zakon.kz.

Біріккен Ұлттар Ұйымының Азық-түлік және ауыл шаруашылығы ұйымы Украинадағы әскери қақтығыс салдарынан әлемде 13-15 миллионға жуық адамға ашаршылық қаупі төніп тұруы мүмкін деп болжайды. Бұл туралы Ұйымның Ресеймен байланыс жөніндегі кеңсесінің директоры Олег Кобяков мәлімдеді, деп жазды РИА Новости.

Егер аштық статистикасы динамикасына қарасақ, пандемия алдындағы 2019 жылы әлемде 690 миллион адам аш болған. Келесі жылы бұл көрсеткіш 811 миллионға жетті. Яғни, 120 миллион адам азық-түлік қауіпсіздігі жағдайынан аштық жағдайына дейін «қызыл сызықтан» өтті. Биылғы жылы, біздің болжамымыз бойынша, Украинадағы әскери операцияларға байланысты жағдай ғана бұл шекарадан тағы 13-15 миллион адамды шығарады. Олег Кобяков

Кобяков ғаламшардағы ашаршылықты тудырған украин дағдарысы емес, алайда ол жағдайды ушықтырғанын атап өтті.

19 мамырда БҰҰ Бас хатшысы Антониу Гутерриш әлемде 43 елден 49 миллион адам аштықпен бетпе-бет келгенін айтты.

Оқи отырыңыз