Шымкентте есірткі жарнамасы бар 22 граффити жойылды

көшедегі сурет, сурет - Zakon.kz жаңалық 03.06.2022 12:11

Сурет: pixabay

Есірткі қылмысына қарсы іс-қимыл басқармасы “Жастар ресурстық орталығы” КММ-нің мамандарымен бірігіп “Есірткіге жол жоқ!’’ акциясын өткізді, деп хабарлайды Zakon.kz.

Іс-шара барысында сала мамандары мен еріктілер Абай ауданындағы 1 Мамыр және Добролюбов, Матросов атындағы көшелердің бойында орналасқан тұрғын-үйлер мен инфрақұрылымдық жүйелердегі есірткі құралдары мен психотроптық заттардың жарнамасы бар 22 граффити-суреттерді өшірді.

Көптеген адамды әлеуметтік желілерде есірткі курьерімен жұмыс істеу туралы ұсыныстар түссе немесе айналасындағылардың біреуі заңсыз әрекетке қатысса, не істеу керектігі қызықтырады.

Мұндай фактілер туралы хабарлау қажет, өйткені дұрыс және уақытылы әрекет ету біреудің өмірін құтқара алады.

Сондықтан полицейлер есірткі граффиттерінің ісіне куә болған шымкенттіктерді селқостық танытпай, әрбір жайт бойынша тез арада 102 арнасы арқылы хабарлауды сұрайды.

Оқи отырыңыз