Түркістанда жоғалып кеткен 18 жастағы қыз табылды

Келес аудандық полиция бөліміне әйел адам арызданды. Оның айтуынша, кешкі сағат 18:30 шамасында жасөспірім қызы дәріханаға барып келетінін айтып, қайта оралмаған. Жақындары өздері күні бойы іздеп таппаған соң, полиция қызметкерлерінен көмек сұрады, деп хабарлайды Zakon.kz.

Тәртіп сақшылары жоғалған қызды бірден іздеуге кірісті. Жас қыздың баруы мүмкін жерлерді қарап, жақын достарынан, таныстарынан сұрастыру жұмыстарын жүргізді. Жас қыз Шардара ауданында қыдырып жүрген жерінен табылды. Түркістан облысы ПД баспасөз қызметі

Қызды полицейлер отбасына қайтарды.

Қазір оқиғаның мән-жайы анықталып жатыр.