Жол талғамайтын көліктің жүргізушісі самокаттағы қызды қағып, бірнеше көлікті соқты

16 маусымда Алматыда мас жүргізушінің кінәсінен бірнеше көліктің қатысуымен жол-көлік оқиғасы орын алды. Сонымен қатар, жүргізуші самокаттағы қызды қағып кеткен, деп хабарлайды Zakon.kz.

Қалалық полиция оқиғаға қатысты түсініктеме берді.

Ведомствоның хабарлауынша, Toyota Land Cruiser Prado көлігінің мас жүргізушісі Шевченко көшесімен төмен қарай келе жатып, электросамокатпенкеле жатқан жүргіншіні қағып кеткен.

Қозғалысын жалғастырған жүргізуші Kia K5 көлігін, одан кейін Kia Cerato көлігімен соқтығысқан. Соңғы болып Mercedes-Benz көлігіне инерциямен соғылған.

Жол апатынан жаяу жүргінші зардап шекті. Ол ауруханаға жеткізілді. Бұл оқиға бойынша тергеуді Алмалы аудандық ІІБ қызметкерлері жүргізіп жатыр. Олжас Шәріпов, Алматы қалалық полиция департаменті анықтау басқармасының бастығы