Тағы бір маңызды міндет – әйелдер мен балаларды зорлық-зомбылықтан қорғау

Әйелдер мен балаларды зорлық-зомбылықтан қорғау Қазақстан полициясының маңызды міндеттерінің бірі екенін айтқан президент министрлікте осындай істерді тергеумен айналысатын арнаулы бөлім қайта ашылғанын тілге тиек етті.

Менің тапсырмам бойынша биыл әйелдер мен балаларға кешенді қолдау көрсететін орталықтар құрылды. Бұл орталықтар қазір пилоттық режимде жұмыс жасап тұр. Онда психологиялық, құқықтық және медициналық көмек көрсетіледі. Сондай-ақ, тиісті сараптамалар жасалады. Арнайы даярлықтан өткен тергеуші әйелдер зардап шеккен жандарға жәрдем береді. Жалпы, бұл орталықтар тиімді жұмыс істеп жатыр, – деді президент салтанатты жиында сөйлеген сөзінде.

Мемлекет басшысы мұндай орталықтарды бүкіл ел аумағында ашып, ауқымын кеңейту керек екенін айтып, үкімет пен әкімдерге осы жұмысты қолға алуды тапсырды.

Біз аналар мен балалардың бақытты өмір сүруі үшін барлық жағдайды жасауымыз қажет. Сол арқылы өркениетті, дамыған елдің берік тұғырын қалыптастырамыз.ҚР президенті Қасым-Жомарт Тоқаев

Оқи отырыңыз

Тоқаев Шыңжаң-Ұйғыр автономиялық ауданы ҚКП партия комитетінің хатшысымен кездесті

15:01, 27 наурыз 2023

Мемлекет басшысы аралас жекпе жек шебері Шавкат Рахмоновты қабылдады

11:19, 27 наурыз 2023

26-27 сәуірде Қазақстан халқы Ассамблеясының XXХІI сессиясы өтеді

09:04, 27 наурыз 2023