Канело Головкин туралы: Оның мансабының күл-талқанын шығарамын

Бокс, сурет - Zakon.kz жаңалық 25.06.2022 13:41

Сурет: Instgram/gggboxing

25 маусымда Лос-Анджелесте Геннадий Головкин мен Сауль Канело Альварес баспасөз конференциясы барысында көз арбасты, деп хабарлайды Zakon.kz.

Мексикалық боксшы Головкинмен арадағы жекпе-жек өзінің жеке әрі дара ісі екенін айтты.

Оның мансабының күл-талқанын шығарамын. Оған кәміл сенімдімін. Менің ойымша, оны нокаутпен жеңемін. Сауль Канело Альварес

Геннадий Головкин Канелоның мәлімдемесіне жауап бере отырып, оның жеке басында шаруасы жоқ екенін, тек рингке бокстасу үшін шығатынын айтты.

Білесіздер бе, оның спортта қол жеткізген жетістіктері туралы көп айтуға болады. Ол көрсететін бокс құрметке лайық. Қазір болып жатқан эмоцияларды түк түсініп тұрғаным жоқ. Бізде керемет екі жекпе-жек болды, құшақтасып, қол алысып кеткенбіз. Геннадий Головкин

GGG мен Канело арасындағы үшінші жекпе-жек 17 қыркүйекте Лас-Вегаста өтеді. Жекпе-жек Канело әлемнің абсолютті чемпионы болып табылатын екінші орта салмақтағы лимитте өтеді.

Соңғы жекпе-жекте Альварес төрешілердің бірауыздан шешімімен ресейлік Дмитрий Биволдан жеңіліп қалды. Головкин тоғызыншы раундта жапондық Муратты нокаутпен жеңді, осылайша IBF және IBO тұжырымдары бойынша әлем чемпионы атағын қорғап қалды.

Оқи отырыңыз