Түркістан облысында үндістандық екі студент суға батып кетті

Түркістан облысы, Түркістан облысы төтенже жағдайлар департаменті, сурет - Zakon.kz жаңалық 27.06.2022 09:58

Сурет: Түркістан облысы ТЖД баспасөз қызметі

21 жастағы Үндістанның екі азаматы Ақсу шатқалындағы Ақсу өзеніне суға түсіп, батып кеткені хабарланды. Олар Оңтүстік Қазақстан медицина академиясының студенттері. Бұл туралы Түркістан облысы төтенше жағдайлар департаменті мәлім етті, деп хабарлайды Zakon.kz.

26 маусым күні сағат 20.10-да Түркістан облысы ТЖД кезекші-диспетчерлік қызметінің пультіне Төле би ауданының Ханарық ауылынан 5 шақырым жерде орналасқан Ақсу шатқалындағы Ақсу өзенінде 2001 жылғы 2 студенттің белгісіз жағдайда суға түсіп, батып кеткені туралы ақпарат түсті. 21 студенттен құралған топ Шымкент қаласынан келген. Барлығы Үндістан азаматтары, Оңтүстік Қазақстан медицина академиясының студенттері. Түркістан облысы ТЖД баспасөз қызметі

Ведомствоның хабарлауынша, іздестіру-құтқару жұмыстарына Түркістан облысы төтенше жағдайлар департаментінің 19 қызметкері, 1 жүзу құралы мен 4 техникасы, Полиция департаментінен 10 қызметкер және 5 техника жұмылдырылды.

Түркістан облысы ТЖД ескертеді:

Таулы жерлерге бармас бұрын, ауа-райы жағдайлары мен кедергілердің ықтималдығын ескере отырып, ықтимал қауіптерді мұқият бағалау керек.
Суға шомылатын жерді, жалпы жағдайды, судың тазалығын, тереңдігін мұқият тексеріп алыңыз.
Тамақ ішкеннен кейін бірден шомылмаңыз.
Суға тек қана рұқсат етілген жерлер мен жағажайларда шомылыңыз. Өте ұзақ шомылмаңыз, қатты шаршар, тоңып, қалдтырағанға дейін суға шомыла беруге болмайды.
Суға түскенде бір-біріңізді көзден таса қылмаңыз.

Оқи отырыңыз