Қазақстандық туроператорлар мемлекеттік тізілімге алынса ғана жұмыс істей алады

Құжатқа сәйкес, барлық туроператорлар мемлекеттік тізілімге тіркеуден өтуі тиіс, өйтпеген жағдайда олардың қызметі заңсыз болып табылады.

2022 жылғы 24 маусымдағы жағдай бойынша 275 туроператор өз қызметін «Қазақстан Республикасындағы туристік қызмет туралы» Қазақстан Республикасының Заңына сәйкестендірді және қызметтің кіші түріне қосымшалар алды. Сонымен қатар, өздерін туроператор ретінде көрсетіп, бірақ туроператорлардың мемлекеттік тізіліміне енгізілмеген барлық туристік компаниялар қолданыстағы заңнаманы бұзып отырғаны жасырын емес. ҚР Туризм индустриясы комитеті

«Қазақстан Республикасының кейбір заңнамалық актілеріне туристік қызмет мәселелері бойынша өзгерістер мен толықтырулар енгізу туралы» 2021 жылғы 30 сәуірдегі Қазақстан Республикасының Заңына сәйкес туроператорлық қызметке берілетін лицензия ішкі туризм және шығу туризмі саласында екі кіші түрге бөлінгені белгілі.

Осыған байланысты, Қазақстан Республикасы Мәдениет және спорт министрлігі Туризм индустриясы комитетінің және жергілікті атқарушы органдардың интернет-ресурстарында орналастырылған ресми деректерді басшылыққа алуды сұраймыз, - дейді комитеттегілер.

Айта кету керек, бұл тізім үнемі жаңартылып отырады, туроператорларға берілген лицензиялар туралы толығырақ ақпаратпен мына сілтеме бойынша танысуға болады.

Оқи отырыңыз

Сүйінші! "Міржақып. Оян қазақ" фильмі екі номинация бойынша үздік деп танылды

13:16, 20 сәуір 2024

Қазақтың күй атасы Әбдімомын Желдібаев дүниеден озды

22:38, 12 сәуір 2024

Димаш Құдайберген Ақтөбедегі эвакуация пунктерінің біріне барып, қарапайым халықтың базыназын тыңдады

14:40, 10 сәуір 2024