Батыс Қазақстанда құны 2,5 млрд теңге тұратын киік мүйізімен ұсталғандар сотталды
Сурет: wikimedia
Батыс Қазақстанда құны 2,5 млрд теңге тұратын киік мүйізімен ұсталғандар сотталды. Былтыр шілдеде облыстың бір тұрғыны киік мүйізін жинап, сақтап, Ресейге өткізбек болған, деп хабарлайды Zakon.kz.
Ол үшін жүк көлігі бар сыбайласына әр апарған рейсі үшін 500 мың теңге төлейтінін айтып, сөз байласқан, деп жазады qazaqstan.tv.
Екіншісі бұған келісіп, жүк көлігінің астына темір дәнекерлеп, жасырын қуыс жасаған.
Оған 1169 дана киік мүйізін тиеп, Самараға жолға шыққан бетте, полицияның қолына түскен.
Орал қалалық сотының үкімімен бірі 8 жылға, екіншісі 7 жылға бас бостандығынан айырылды.
Сондай-ақ, мемлекетке келтірілген шығынды сотталғандардан өндіру жазасы тағайындалды.
Жаңалықтан zakon.kz сайтында хабардар болыңыз:
Бөлісу
0
Толық оқу
