Павлодарда 6,5 млрд теңгеге жалған шот-фактуралар жазғандар ұсталды

Павлодар, ҚР ҚМА, жалған шот-фактура, сурет - Zakon.kz жаңалық 05.07.2022 09:53

Сурет: pexels

Қаржылық мониторинг агенттігінің Павлодар облысы бойынша департаментінің қызметкерлері шот-фактураларды заңсыз жазып беріп, мемлекетке 2 млрд теңге шығын келтіргендердің жолын кесті, деп хабарлайды Zakon.kz.

Тергеу барысында азаматтар В.Р. Легин мен С. А. Рыжаков жалған тұлғаларға ресімделген 13 компания құрғандығы анықталды, содан кейін материалдық пайда табу мақсатында 2019 жылдан бастап 2021 жылға дейінгі кезеңде осы компаниялардың атынан бірқатар заңды тұлғаларға жалпы сомасы 6,5 млрд теңгеге жалған шот-фактуралар жазып берді.ҚР ҚМА баспасөз қызметі

Агенттік таратқан мәлімет бойынша, В.Р. Легин мен С.А. Рыжаковтың қылмыстық әрекеттерінің салдарынан мемлекетке төленбеген салықтар түрінде 2 млрд теңгеден астам сомаға залал келтірілді.

Сот екеуін де кінәлі деп тауып, Легин Вильгельм Робертович пен Рыжаков Сергей Александровичті 2 жыл 9 айға бас бостандығынан айырып, Легиннен 13 млн теңгеден астам ақша тәркілеу туралы үкім шығарды. ҚР ҚМА баспасөз қызметі

Оқи отырыңыз