Түркістан облысында жолға таласқандар төбелес шығарды

Түркістан облысы, төбелес, жанжал, сурет - Zakon.kz жаңалық 07.07.2022 12:15

Сурет: polisia.kz

Түркістан облысында екі ер адам тас жолда төрт жас жігітті соққыға жықты. Жанжал тас жолға таластан шыққан, деп хабарлайды Zakon.kz.

Полицияға төрт жігіт арызданды. Зардап шеккендердің айтуынша, «Ваз 2106» көлігінен белгісіз екі адам түсіп, оларды ұрып-соғып, көзден ғайып болған. Полицейлер бұл фактіні ҚР Қылмыстық кодексінің 293-бабы «Бұзақылық» бойынша Сотқа дейінгі тергеп-тексерулердің бірыңғай тізіліміне тіркеді. Түркістан облысы полиция департаментінің баспасөз қызметі

Полицейлер күдіктілерді ұстады. Белгілі болғандай, зардап шеккендер LADA Priora көлігімен Шымкентке қарай бет алған. Жолда олар «Ваз 2106» көлігімен жолға таласқан. Салдарынан түсініспеушілік болып, күдіктілер жастарды ұрып-соғып, кейін із-түзсіз жоғалып кеткен.

Қазір осы факті бойынша сотқа дейінгі тергеу амалдары жүріп жатыр. Сараптама тағайындалды.

Оқи отырыңыз