Жаңалықтар тізбегі
0

Күзде әлем халқы 8 миллиард адамға жетеді – БҰҰ болжамы

БҰҰ, халық саны, туу көрсеткіші, сурет - Zakon.kz жаңалық 12.07.2022 10:48 Сурет: pixabay
2022 жылғы 15 қарашаға қарай планета тұрғындарының саны 8 миллиард адамға жақындайды. Ал 2023 жылы Үндістан әлемдегі халқы ең көп елге айналады. Мұндай болжам БҰҰ-ның есебінде жарияланды, деп хабарлайды Zakon.kz.

Халық саны 1950 жылдардан бері өте баяу қарқынмен өсіп келеді. БҰҰ-ның соңғы болжамы бойынша, планета тұрғындарының саны шамамен бұлай өсуі мүмкін:

  • 2030 жылы – 8,5 млрд адам;

  • 2050 жылы – 9,7 млрд адам;

  • 2080 жылы – 10,4 млрд адам.

    Шамамен 20 жыл бойы бұл көрсеткіш өзгеріссіз қалады.

    Биыл біз Жердің сегіз миллиардыншы тұрғыны дүниеге келеді деп отырмыз. Бұл өмір сүру ұзақтығын ұзартқан және ана мен бала өлімін айтарлықтай төмендеткен денсаулық сақтау саласындағы жетістіктерді тағы бір атап өтуге себеп болмақ. Сонымен бірге бұл планетадағы жағдайға ортақ жауапкершілікті еске салады. БҰҰ Бас хатшысы Антониу Гутерриш

    Туу көрсеткіші төмендеп барады

    World Population Prospects 2022 баяндамасының авторлары соңғы онжылдықтарда көптеген елде туу көрсеткіші айтарлықтай төмендегенін атап өтті. 2022-2050 жылдар аралығында дүние жүзіндегі 61 елдің халқы туу деңгейінің тұрақты төмендігі және кейбір жағдайларда эмиграция деңгейінің артуы салдарынан кем дегенде 1%-ға азаяды.

    2050 жылға қарай әлем халқының болжамды өсімінің жартысынан көбі мына сегіз елге тиесілі болады: Конго Демократиялық Республикасы, Египет, Эфиопия, Үндістан, Нигерия, Пәкістан, Филиппин және Танзания.

    Өмір сүру ұзақтығы артып келеді

    «65 және одан жоғары жастағы әлем халқының үлесі 2022 жылы 10 пайыздан 2050 жылы 16 пайызға дейін өседі» деген болжам бар.

    2019 жылы әлемде өмір сүру ұзақтығы 72,8 жасқа жетті, бұл 1990 жылмен салыстырғанда 9 жылға жуық артық. Өлім-жітімнің одан әрі төмендеуі 2050 жылға қарай орташа жаһандық өмір сүру ұзақтығын шамамен 77,2 жасқа дейін жеткізеді деп болжануда.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: