Президент Бағдат Мусиннің Ұлттық деректер банкін құру жөніндегі жұмысына қанағаттанбайтынын айтты

Президенттің сөзінше, цифрландыру ісі баяу, тіпті нашар жүргізіліп жатыр. Тоқаев министрге ескерту жасап, премьер-министрді ұятқа қалдырып отырғанын айтты.

Үкімет Ұлттық деректер банкін құру жұмысын созбалаңға салу себебін баяндауға тиіс. Цифрландыру ісі баяу жүргізіліп жатыр. Меніңше, нашар. Есеп комитетінің сынына ұшыраған «Зерде» ұлттық холдингінің жұмысын жақсартуды тапсырған едім. Цифрландыру жұмысының кураторы ретінде премьер-министр осы мәселеге баса мән бергені жөн. Министрге ескерту жасаймын. Сіздің жұмысыңызға көңілім толмайды. Премьер-министрді ұятқа қалдырып отырсыз, – деді Қасым-Жомарт Тоқаев.

Айта кетейік, бүгін мемлекет басшысының қатысуымен үкіметтің кеңейтілген отырысы өтті. Онда Тоқаев қант мәселесіне байланысты Сұлтанов пен Қарашүкеевке сөгіс жариялады. Сонымен қатар президент киіктерді атуға рұқсат бергені үшін Экология, геология және табиғи ресурстар министрі Серікқали Брекешевке сөгіс жариялады.

Оқи отырыңыз

Тоқаев Шыңжаң-Ұйғыр автономиялық ауданы ҚКП партия комитетінің хатшысымен кездесті

15:01, 27 наурыз 2023

Мемлекет басшысы аралас жекпе жек шебері Шавкат Рахмоновты қабылдады

11:19, 27 наурыз 2023

26-27 сәуірде Қазақстан халқы Ассамблеясының XXХІI сессиясы өтеді

09:04, 27 наурыз 2023