Әбжан ісі: Антикор оның отбасының банктік шоттары шектелмегенін мәлімдеді

Сыбайлас жемқорлыққа қарсы іс-қимыл агенттігі, Махамбет Әбжан, блогер, сурет - Zakon.kz жаңалық 21.07.2022 13:26

Сурет: видеодан скриншот

Сыбайлас жемқорлыққа қарсы іс-қимыл агенттігі күдікті Махамбет Әбжанның отбасы мүшелерінің банк шоттарына шектеу қойылғаны туралы ақпаратты жоққа шығарды, деп хабарлайды Zakon.kz.

Күдікті Махамбет Әбжанның отбасы мүшелерінің, оның ішінде оның кәмелетке толмаған балаларының банктік шоттарын «шектеу» туралы ақпараттың Telegram-арналардың бірінде таратылуына байланысты бұл ақпараттың шындыққа сәйкес келмейтінін хабарлаймыз.Сыбайлас жемқорлыққа қарсы іс-қимыл агенттігі

Тергеу аясында күдіктінің өзінің ғана банктік шоттарына шектеулер қойылды.

Жалған ақпарат қоғамдық пікірді басқару және тергеуге әсер ету мақсатында таратылады. Халықтан ресми ақпарат көздерінен алынған ақпаратқа сенуді сұраймыз. Сыбайлас жемқорлыққа қарсы іс-қимыл агенттігі

Еске салсақ, 3 шілдеде елордалық Astana Tower бизнес орталығының алдында Сыбайлас жемқорлыққа қарсы іс-қимыл агенттігінің қызметкерлері 50 миллион теңге алып жатқан жерінде блогер Махамбет Әбжанды ұстаған еді.

Оған қатысты Қазақстан Республикасы Қылмыстық кодексінің 194-бабының 4-бөлігінің 2-тармағы (Аса ірі мөлшерде бопсалау) бойынша қылмыстық іс қозғалды.

Махамбет Әбжан екі айға қамауға алынды.

Оқи отырыңыз