Қостанай облысында жанармай талондарын заңсыз сатқан – шығын 18,5 млн теңге

Сурет: Zakon.kz

ҚМА Қостанай облысы бойынша департаменті жанар-жағармай талондарын үшінші тұлғаларға заңсыз сату фактісін анықтады, деп хабарлайды Zakon.kz.

«Қостанай жылу-энергетика кәсіпорны» МКК механикаландыру қызметінің басшысы қызметтік бабын пайдаланып, жанар-жағармай талондарын ұрлап, жеңілдетілген бағамен әртүрлі тұлғаларға сатып жіберген. ҚР ҚМА баспасөз қызметі

Ведомство таратқан мәлімет бойынша, бұрынғы басшы 2020 жылғы қазаннан 2021 жылғы желтоқсанға дейінгі аралықта 2,5 мың литрден астам АИ-92 маркалы бензинге және 100 мың литрге жуық жазғы дизель отынына талондарды ұрлап, 18,5 млн.теңге материалдық залал келтірген.

Сот қылмыстық құқық бұзушылық жасағаны үшін кінәлі деп танып, 6 жыл шартты мерзімге бас бостандығынан айыру жазасы тағайындалды, сонымен қатар ол барлық белгіленген мерзімге пробациялық бақылауға алынды.

Оқи отырыңыз