Ақтауда полиция қызметкері қаза тапты

Полиция қызметкері қазатапты Сурет: pixabay
Мәлім болғандай, марқұм Ақтау қалалық ІІБ ювеналды полиция бөлімінің кәмелетке толмағандар істері жөніндегі учаскелік полиция инспекторы болған. Ол билік органдарында 2016 жылдан бері жұмыс істеп, 22 шілдеден бері еңбек демалысында, деп хабарлайды Zakon.kz.

Қайғылы оқиға 3 тамызға қараған түні болған. Маңғыстау облысының полиция департаменті олардың қызметкерінің қаза тапқанын растады, деп хабарлайды Lada.kz .

Куәгерлердің айтуынша, тамыздың 2-сінен 3-іне қараған түні 17-шағын ауданда полиция қызметкері пышақталған. Ол ауруханаға жеткізіліп, сол жерде қайтыс болды.

Полиция департаменті бұл фактіні растады.

Полицейлердің хабарлауынша, сағат 03:50-де кезекші бөлімшеге жедел жәрдем 17-шағын аудандағы үйдің ауласынан мойын тұсынан пышақ жарақатын алған 26 жастағы жігітті Маңғыстау облыстық ауруханасына жеткізгені туралы ақпарат түскен. Ол есін жимай, жансақтау бөлімінде көз жұмды.

Марқұм полиция қызметкері, еңбек демалысында болған.

Полицейлер 27 жастағы күдіктіні анықтап, ұстады.

Аталған факті ҚР Қылмыстық кодексінің 99-бабының 1-бөлігі («Адам өлтіру») бойынша Ақтау қалалық ІІБ-ның ТЖД-на тіркелді.

Сот-медициналық сараптама тағайындалды. Қазір тергеу амалдары жүргізілуде.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз