Шығыс Қазақстан облысында кинолог баланы құтқарып қалды

Шығыс Қазақстан облысы, кинолог, бала, терезе, сурет - Zakon.kz жаңалық 12.08.2022 11:59

Сурет: polisia.kz

9 тамызда Ұлан аудандық полиция бөлімінің 102 жедел арнасына Қасым Қайсенов кентіндегі Абай алаңындағы үйлердің бірінің терезесінде жас бала тұрғаны туралы қоңырау түскен. Пәтерге бірінші болып жүгірген инспектор-кинолог қайғылы жағдайдың алдын алды, деп хабарлайды Zakon.kz.

Дабыл бойынша жедел-тергеу тобы дереу мекенжайға жіберілді. Бірнеше минуттан кейін полицейлер оқиға орнына жеткен, алайда олар келгенге дейін ол жерге инспектор-кинолог алғашқылардың бірі болып Асыл Беріков жетіп, дереу шара қолданды, деп жазды ҚР ІІМ сайты.

Кейін хабарланғандай, Асыл шақыртуды тіркеу кезінде үйге қарай жүгіріп, кіре беріс есікті ашып, жоғары шығып, 5-қабаттағы пәтердің есігін қаққан. Есікті 12 жастағы қыз бала ашқан, ол інісінің ашық терезенің алдына шығып алғанын байқамаған.

Бөлмеге жүгіріп келіп, полицей баланы әңгімеге тартып, терезенің алдынан көтеріп алды. Олардың ата-анасы бұл уақытта сол үйдің астында орналасқан дүкенге кеткен екен. Олармен профилактикалық әңгіме жүргізілді.

Оқи отырыңыз