Ақмола облысында екі жасар бала дәретханаға құлап, мерт болды

Қайғылы оқиға 14 маусымда болған. Сағат 11:30 шамасында Бұланды аудандық полиция бөлімінің кезекші бөліміне ауылдардың бірінің тұрғынынан телефон хабарламасы келіп түсті, деп хабарлайды Zakon.kz.

Бұланды аудандық полиция бөлімінің кезекші бөліміне апат туралы әйелдің өзі хабарлады. Оның екі жасар ұлы жеке үйдің ауласындағы кәріз септигіне құлап кеткен.

Оқиға орнына полиция қызметкерлері, төтенше жағдайлар қызметі мен жедел жәрдем келді. Баланың есін жимай оқиға орнында қайтыс болғаны анықталды.