4 мыңға жуық білім грантының иегері Еуразия ұлттық университетін таңдаған

Министрліктің хабарлауынша, мектеп түлектерінің басым таңдауы техникалық бағыттарға түсті, яғни 3 мыңнан астам грант иегері осы бағытты таңдады. Оқуға түсушілердің сапалы контингенті «Алтын белгі» иегерлері, халықаралық және республикалық олимпиадалардың жүлдегерлері және басқа да дарынды жастардан тұрады.

Биыл мемлекет халықтың әлеуметтік осал топтарынан шыққан балаларға арналған гранттарды ұлғайтты және ауыл жастары мен Қазақстан азаматтығы жоқ этникалық қазақтарға квоталар бөлді. Осыған байланысты Еуразия ұлттық университеті халықтың әлеуметтік осал топтарына 200-ден астам және шетелдік азаматтар мен этникалық қазақтар үшін (300-ден астам білім алушы) грант иегерлеріне есік ашады. Сонымен қатар университетте мұқтаж студенттерге қолдау көрсету бойынша әлеуметтік бағдарлама жүзеге асырылып жатыр, – делінген Ғылым және жоғары білім министрлігі Telegram-дағы каналында.

Қазір Л.Н. Гумилев атындағы Еуразия ұлттық университеті QS WUR жоғары оқу орындарының әлемдік рейтингінде 277-орында. Ал университет ұлттық білім беру рейтингтерінің көрсеткіші бойынша бірінші орында тұр

Оқи отырыңыз

Шымкентке олимпиадаға келіп ауруханадан бір-ақ шыққан оқушылар: Дәрігерлер түсінік берді

19:57, 27 наурыз 2023

Ербол Тілешов Тіл саясаты комитетінің төрағасы болып тағайындалды

13:00, 27 наурыз 2023

Түркістан облысының оқушысы "ақылды" ферма жобасын жасап шықты

17:40, 23 наурыз 2023