Еліміздегі жоғары оқу орындарында барлығы 623 839 адам оқиды

лекция залы, универ Сурет: unsplash
Ғылым және жоғары білім министрі Саясат Нұрбек үкімет отырысында жоғары оқу орындарының жаңа оқу жылына дайындығы туралы айтты, деп хабарлайды Zakon.kz.

Министр Саясат Нұрбектің айтуынша, Қазақстанда қазір 120 жоғары оқу орны жұмыс істейді. Оның 11-і ұлттық, 29-ы мемлекеттік, 14-і азаматтық емес, 1 дербес білім беру ұйымы, 1 халықаралық, 16 акционерлік және 48 жеке.

ЖОО-да 623 839 адам оқиды (бакалавриат – 575 511 адам, магистратура – 36 483 адам, докторантура – 5 924 адам). Профессор-оқытушылар құрамының саны – 36 378 адам, 48% ғылыми дәрежесі бар.

2022-2023 оқу жылына күтілетін студенттер контингенті - 609,5 мың адам, оның ішінде қабылданатыны - 164 300 адам. 2022-2023 оқу жылында мемлекеттік тапсырыс көлемі - 88 214 орын, бакалавриатта - 73 061, магистратурада - 13 263, докторантурада - 1 890 орын, оның ішінде 42 303 грант немесе 60% - ы техникалық мамандықтарға бөлінген.

Президент Қасым-Жомарт Тоқаевтың тапсырмасы бойынша батыс және халық тығыз қоныстанған өңірлердің жастары үшін 10 мың грант, «Серпін» жобасына 3 653 грант, шетел азаматтарына 490 грант, оның ішінде 150 грант Орталық Азия елдерінің азаматтарына, 100 орын - Ислам ынтымақтастығы ұйымдары елдерінің азаматтарына қарастырылды. Республикалық конкурстық комиссияның шешімі бойынша 56 375 грант тағайындалды.Саясат Нұрбек

Бұдан басқа жаңа оқу жылынан бастап бакалавриат деңгейінде стипендия 20% (31 423 теңгеден 36 660 теңгеге дейін) өсті. Оның ішінде педагогикалық бағыттағы студенттер үшін 50 мың теңгеден бастап 58 800 мың теңгеге дейін ұлғайтылды. Магистратура және докторантура 15% (76 950 теңгеден 86 987 теңгеге дейін және тиісінше 172 500 теңгеден 195 000 теңгеге дейін) өсті. Бұл норма шамамен 161 мың білім алушыға қатысты болады.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз