Қазақстанда 1 қазаннан бастап тұмауға қарсы вакциналау басталады

екпе, вакцина Сурет: Zakon.kz/Павел Михеев
ҚР Денсаулық сақтау вице-министрі – ҚР Бас мемлекеттік санитарлық дәрігері Айжан Есмағамбетова Орталық коммуникациялар қызметінде өткен жиында тұмауға қарсы екпе науқаны қашан басталатынын айтты, деп хабарлайды Zakon.kz.

Ол 1 қазаннан бастап елде тұмауға қарсы вакцина егу басталғанын еске салды.

Жыл сайын эпидемиялық маусым басталғанға дейін біз егуді бастаймыз. Өйткені тұмау жұқтыру басталғанға дейін адамдарда иммунитет қалыптасуы керек.Айжан Есмағамбетова

ҚР Денсаулық сақтау вице-министрінің айтуынша, республика ЖРВИ және тұмаудың эпидемиологиялық маусымының басталуына жақын, сондықтан алдын алу жұмыстары алдын ала жүргізіліп жатыр.

Айжан Есмағамбетованың айтуынша, бюджеттен тұмауға қарсы 2,3 миллион доза вакцина сатып алынған. 20-25 қыркүйекке дейін облысқа байланысты жеткізу аяқталып, 1 қазанда халықты екпе егу науқаны басталады.

Бюджет қаражаты есебінен мыналар егіледі:

  • жиі ауыратын балалар;

  • диспансерлік есепте тұрған балалар;

  • жабық медициналық-әлеуметтік мекемелерде жатқан 60 жастан асқан адамдар;

  • жүкті әйелдер.

Біз жұмыс берушілермен жұмыс істеп жатырмыз, олар өз қаражаты есебінен жұмысшыларына екпе салдырсын, себебі еңбекке жарамсыздық парағын төлегенше ауырмаған дұрыс. Сонымен қатар тұрғындар өз қаражатына екпе егетін болады. Орташа алғанда, жыл сайынғы баға көп өзгерген жоқ. Былтыр 3000 теңге шамасында болса, биыл жеке секторда бұл вакцина қанша тұратынын білмейміз.Айжан Есмағамбетова

9 қыркүйекте Денсаулық сақтау министрі Ажар Ғиният 2022 жылдың соңына қарай ерікті медициналық сақтандыру қазақстандықтар үшін қолжетімді болатынын мәлімдеді.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз