"Қазақстан халқына" қоры өрттен зардап шеккендердің үйін жабдықпен қамсыздандыратын болды

Қостанай облысында үйі өртенгендер, сурет - Zakon.kz жаңалық 16.09.2022 22:49

Сурет: Facebook/Фонд "Қазақстан халқына"

Қостанай облысының өрттен зардап шеккен тұрғындарына бюджет есебінен салынған үйлер "Қазақстан халқына" қоғамдық қорының қаражаты бойынша жабдықталады. Бұл туралы бүгін аталған қордың Басқарма төрағасы Болат Жәмішев мәлімдеді, деп хабарлайды Zakon.kz.

Болат Жәмішев зардап шеккен адамдардың барлық мүлкі өртеніп кеткенін еске салды.

Біз әкіммен сөйлесіп, өзара келістік, біз шұғыл көмек жағдайындБа, яғни қазіргі кезде бұл іске араласпаймыз. Біз үйлер салынып біткен соң, жиһаз, тоңазытқыштар және т.б. мәселе туындаған кезде көмекке келеміз. Бұл үйлерді жабдықтау бойынша бұл адамдарға көмектесеміз. "Қазақстан халқына" Қоғамдық қорының Басқарма төрағасы Болат Жәмішев

Оның айтуынша, осылай өзектірек болады.

Үйлер бюджет есебінен салынады. Зардап шеккендердің барлық мүлкі өртенді, сондықтан оны өтеуге дайынбыз. Оны мақсатты ақша есебінен де жабамыз. "Қазақстан халқына" Қоғамдық қорының Басқарма төрағасы Болат Жәмішев

4 қыркүйекте Қазақстан премьер-министрі Әлихан Смайылов Үкіметке Қостанай облысында өрт кезінде зардап шеккендерге тұрғын үй салу мәселесімен шұғыл айналысуды тапсырды.

8 қыркүйекте ҚР Ұлттық экономика министрі Әлібек Қуантыров Үкімет резервінен Қостанай облысында үйі өртеніп кеткендер үшін тұрғын үй құрылысына 2,3 млрд теңге бөлінетінін хабарлады.

Оқи отырыңыз