Тоқаев Иордания королі ІІ Абдалламен әңгімелесті

Кездесу, сурет - Zakon.kz жаңалық 20.09.2022 20:35

Сурет: akorda.kz

Мемлекет басшысы Қасым-Жомарт Тоқаев Біріккен Ұлттар Ұйымы Бас Ассамблеясы 77-сессиясы пленарлық отырысының алдында Иордания Королі ІІ Абдалламен әңгімелесті, деп хабарлайды Zakon.kz.

Бұл туралы Ақорда хабарлады.

Қасым-Жомарт Тоқаев БҰҰ Бас Ассамблеясының 77-ші сессиясына қатысу үшін Нью-Йоркте жұмыс сапарымен жүр.

Бүгін, 20 қыркүйекте Қазақстан Президенті БҰҰ Бас Ассамблеясының 77-ші сессиясының Жалпы дебатының ашылуына қатысып жатыр.

Бұған дейін Тоқаев АҚШ-та жаһандық қаржы институттарының басшыларымен бірқатар кездесулер өткізген болатын.

Сонымен қатар, ол IT-қауымдастық өкілдерімен және Microsoft-тың Орталық Азия және Шығыс Еуропа бойынша бас менеджері Мишель Симмонспен кездесті. Олар компанияның Қазақстандағы перспективаларын, соның ішінде IT-зертхананы ашу, IT-мамандарды қайта даярлау және біліктілігін арттыру сынды жоспарларын талқылады.

Оқи отырыңыз