Әлихан Смайылов БАӘ президенті шейх Мұхаммед бен Заид Әл Нахаянмен кездесті

ҚР премьер-министрі Әлихан Смайылов пен БАӘ президенті шейх Мұхаммед бен Заид Әл Нахаян «Әл-Бахр» сарайында кездесті. 

Премьер-министр биыл екі ел арасындағы дипломатиялық қатынастардың орнағанына 30 жыл толып отырғанын атап өтті. Оның айтуынша, осы уақыт ішінде дипломатиялық қатынастар стратегиялық серіктестік деңгейіне көтерілді. 

Біз өзара қызығушылық тудыратын экономиканың барлық салаларында кең ауқымды ынтымақтастықты одан әрі нығайтуға ниеттіміз. Сондай-ақ Біріккен Араб Әмірліктеріне Қазақстанның халықаралық бастамаларын әрдайым тұрақты түрде қолдап отырғаны үшін алғыс айтамыз. Әлихан Смайылов

Премьер-министр соңғы жылдары түрлі салалардағы бірлескен жобалар санының өсуі байқалып отырғанын айтты. 

Инвестициялық ынтымақтастықты одан әрі арттыру және тереңдету үшін айтарлықтай әлеует бар. Үкімет инвесторларға олардың бастамаларын іске асыруда жан-жақты қолдау көрсетуге әзір. Жақын арада біз жаңа бірлескен жобаларды іске қосамыз деп үміттенемін. Әлихан Смайылов

Сонымен қатар премьер-министр БАӘ президентіне Қостанай облысындағы орманды қалпына келтіру жұмыстарына 1 млн доллар көлемінде көмек көрсеткені үшін алғыс айтты. 

Шейх Мұхаммед бен Заид Әл Нахаян Қазақстан мен Біріккен Араб Әмірліктерін ерекше достық қатынастар байланыстыратынын атап өтті. 

Мен екіжақты ынтымақтастықтың барлық бағыттарын толық қолдаймын, – деп атап өткен БАӘ Президенті Қазақстан Президенті Қасым-Жомарт Тоқаевқа ыстық ықыласы мен шынайы тілегін жеткізді.

Оқи отырыңыз

Елімізде балаларға арналған 50 оқу-сауықтыру және 100 ірі ойын-сауық орталығы салынбақ

21:29, 27 наурыз 2023

Әлихан Смайылов жеңілдетілген несиелендіру бағдарламасының барысына тоқталды

13:15, 27 наурыз 2023

Енді трамадол есірткі деп есептеледі - үкімет

11:07, 27 наурыз 2023