Жаңалықтар тізбегі
0

Бас прокуратура Қазақстан халқына үндеу жолдады

Бас прокуратура, жалған ақпарат, блогер, сурет - Zakon.kz жаңалық 26.09.2022 15:58 Сурет: gov.kz
Қазақстан Республикасы Бас прокурорының орынбасары Жандос Өмірәлиев халыққа үндеу жолдап, жалған ақпарат тарату заңмен қудаланатынын ескертті, деп хабарлайды Zakon.kz.

Ол отандық ақпараттық кеңістікте және әртүрлі әлеуметтік медиада түрлі тақырыптар бойынша көрінеу жалған ақпарат тарату жағдайлары жиілеп кеткенін айтты.

Бұл ретте, Жандос Өмірәлиевтің айтуынша, олар жекелеген блогерлердің арандатушылық мәлімдемелерімен және әлеуметтік желілер пайдаланушыларының ұлттық алауыздықты тудыратын белгілері бар комментарийлерімен бірге жүреді.

Нақты азаматтардың ар-намысы мен қадір-қасиетіне нұқсан келтіретін, сондай-ақ бірқатар танымал адамдарды ұстау және қылмыстық жауаптылыққа тарту туралы жалған хабарламалар жариялануда. Мұндай фейктік мәліметтер қоғамдық жалған пікірді қалыптастырып ғана қоймай, сонымен бірге қоғамдық тәртіпке де теріс әсер етуі әбден мүмкін.Қазақстан Республикасы Бас прокурорының орынбасары Жандос Өмірәлиев

Шындыққа сәйкес келмейтін мұндай мәліметтерді көбіне блогерлер қасақана, өздерінің және үшінші тұлғалардың мүдделері үшін таратады.

Олардың мақсаты – жеке пайда табу және бопсалау арқылы материалдық табыс көру.Жандос Өмірәлиев

Ұлттық алауыздықты қоздыруға, қорқытып алуға, көрінеу жалған ақпарат таратуға бағытталған іс-әрекеттер Қазақстан Республикасы Қылмыстық кодексінің 174, 194 және 274-баптары бойынша қылмыстық жауаптылыққа әкеп соғады.

Осыған байланысты Қазақстан Республикасының Бас прокуратурасы ел азаматтарын, бұқаралық ақпарат құралдарының өкілдерін, әлеуметтік желілердің пайдаланушыларын заңнаманы бұлжытпай сақтауға және жоғарыда келтірілген кез келген құқық бұзушылықтардың жасалуына жол бермеуге, арандатушылыққа ермеуге және тек ресми ақпарат көздеріне ғана сенуге шақырады.Жандос Өмірәлиев
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: