Александр Бублик ATP турнирінің екінші айналымына шықты
Сурет: ktf.kz
Қазақстандық үздік теннисші (әлемдік рейтингте №43) Нидерланды спортшысы Таллон Грикспорды (№54) ұтып кетіп, Астанада өтіп жатқан ATP 500 турнирінің екінші айналымына шықты, деп хабарлайды Zakon.kz.
Матч 1 сағат 40 минутқа созылды. Есеп: 6:0, 4:6, 6:3.
Бубликтің келесі қарсыласы әлемнің оныншы ракеткасы Хуберт Хуркач болмақ. Польша теннисшісі турнирдің басында аргентиналық Франсиско Серундолоны (№29) ұтып кеткен болатын. Есеп: – 6:2, 7:6(2).
Айта кетсек, Astana Open ATP 500 турнирінде әлемнің 1-ракеткасы, испаниялық Карлос Алькарас ұтылып қалып, күтпеген жағдай орын алды. Ол негізі даниялық Хольгер Рунемен кездесуі керек еді. Алайда, Хольгер Руне турнирге келмегендіктен, оның орнына әлемнің 66-ракеткасы, бельгиялық Давид Гоффен шықты. Гоффен күтпеген жерден әлемнің бірінші ракеткасын 7:5, 6:3 есебімен ұтып кетті.
Жаңалықтан zakon.kz сайтында хабардар болыңыз:
Бөлісу
0
Толық оқу
