Александр Бублик Германиядағы ATP 500 турнирінің ширек финалына шықты

Қазақстанның бірінші, әлемнің 48-ракеткасы Александр Бублик Халледе (Германия) өтіп жатқан ATP 500 турнирінің екінші айналымына ойнады, деп хабарлайды Zakon.kz.

Екінші айналымдағы кездесуде қазақстандық 6:3, 6:7 (4:7), 6:3 есебімен әлемнің 21-ракеткасы, германиялық Ян-Леннард Штруффты ұтты.

Теннисшілердің ойыны 2 сағат 16 минутқа созылды.

Қазақстандық теннисші матч кезінде 23 рет эйс жасап, 14 брейк-пойнттың төртеуін сәтті пайдаланды.

Александр Бублик енді жарыстың жартылай финалына шығу үшін әлемнің 9-ракеткасы, италиялық 21 жастағы теннисші Янник Синнермен ойнайды.