Денсаулық сақтау министрі ауыл дәрігерлерінің жалақысын көтеруді ұсынды

ҚР Денсаулық сақтау министрлігі, ауыл дәрігерлері, дәрігер Сурет: akorda.kz
Қазақстанның ауылдарында жоғары білікті дәрігерлер жетіспейді, жоғары оқу орындарын бітіргендер жалақының аздығынан өңірлерге барғысы келмейді. Осыған орай Денсаулық сақтау министрі Ажар Ғиният ауылдағы медицина қызметкерлерінің жалақысын көбейтуді ұсынды, деп хабарлайды Zakon.kz.

Денсаулық сақтау министрлігі басшысының айтуынша, ауыл дәрігерлерінің жалақысын арттыру медицина қызметкерлерінің тапшылығы мәселесін шешуге көмектеседі.

Пандемия кезінде дәрігерлердің жалақысы көтерілген кезде біз жұмысшы тапшылығын сезген жоқпыз. Сондықтан, әсіресе, ауылдардағы дәрігерлерге әлеуметтік қолдауды күшейтуіміз керек. Заңдарға өзгерістер мен толықтырулар енгізу қажет, – деді Ажар Ғиният Мәжілісте өткен үкімет сағатында.

Министрдің айтуынша, жыл сайын Қазақстанның медициналық жоғары оқу орындарын 3 мыңға жуық түлек бітірсе, оның 50 пайызы әкімдіктердің гранттары бойынша оқиды. Денсаулық сақтау министрлігі басшысы атап өткендей, университетті бітіргеннен кейін түлектер грантты үш жыл еңбекпен өтеу керек, бірақ бұл норма толыққанды жұмыс істемейді.

Көптеген жас мамандар осы бөлінген қаражатты төлеп, басқа өңірлерге кетіп жатыр. Ал, ауылдарда 1000 дәрігер жетіспейді. Ажар Ғиният

Бұдан бөлек, ҚР Денсаулық сақтау министрі Ажар Ғиният ауылдарда сәби өлімі өткен жылдың сәйкес кезеңімен салыстырғанда 30,6 пайызға артқанын, ал ауылдағы бала өлімі қаламен салыстырғанда 38,7 пайызға төмен екенін айтты.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз